رابعة السافي ترد على زهير الرايس “تمنع لولد بلادك ما تسمح بأضعافه للاجنبي وعلى نفس المسرح فهذا نفاق”

كتبت المنتجة والممثلة والكرونيكوز رابعة السافي تدوينة على حسابها الخاص على الفايسبوك، ردت فيها على زهير الرايس مدير المسرح البلدي الذي قرر إلغاء عرض فوزي بن قمرة بسبب الة المزود

“في بلادي اليوم فوق خشبة المسرح البلدي يجينا ضيف اجنبي فرنسي من اصول عربية يقدم عرض يقول فيه ما تيسر من الكلام البذيء في وسط السكاتش متاعو من قبيل : pute, ق ***، ز*** ، انا مانيش ضد، انا مع حرية كل فنان في الطريقة الي يعبر بيها على فنو و اكثر المواضيع الي تضحك من أول الدنيا هي التابوهات، اما وقتلي في نفس اليوم يقع منع و على نفس الخشبة و في نفس المسرح عرض فنان تونسي لأن في عرضه ألة موسيقية الي هي المزود خاطرها ماهيش شيك و يمنع زادة عروض مغنين الراب بتعلة اكيد الكلام البذيء وقتلي مئات الاغاني الناجحة مافيهاش سبان هاذي قمة النفاق، تمنع لولد بلادك ما تسمح بأضعافه للاجنبي فوق نفس الركح و نفس اليوم فقط لأنه اجنبي، وقتاش تتنحالنا عقدة الاجنبي, و الي يجي منو عسل, هو بيدو يعملو تونسي يولي خل و يشد عليه الحبس كان لزم . اعطيو قيمة لبعضكم و يزيو من هزان القفة للبراني ومبعد تقولو علاش الشباب حاقد.يجب المساوات بين الفنانين في حرية ممارسة فنهم، لا تفرق الحرية حسب الجنسيات هذا بالعربي اسمو تمييز عنصري و يعاقب عليه القانون و بالتونسي اسمو : الحقرة.”