المنتدى التونسي موقع الأخبار التونسي 
صرح الممثل الكوميدي صابر سيزار أنه ضد اعتماد الكلام البذئ والايحاءات الجنسية في الاعمال الفنية، معتبرا أنه في غنى عن ذلك، وان الله سيحاسبه عن ماقدمه.
وقال سيزار في برنامج قايلة إين على راديو ماد أنه لن يكرر ما يقدمه في اليوتيوب على المسرح.
وأضاف: “مسرحية “أهوا” ماعنديش برشا سياسة وماتنجمش تكون فنان وماتحكيش على السياسة
نحب نستدعى رئيس الجمهورية للمسرحية وليا الشرف في هذا
كيف يعينك مدير مهرجان كبير في البرمجة متاعو وقتلي المسرحية متاعك مازالت مادارتش هذي ثقة في المنتوج
مسؤولية وخوف وأنا مانفرحش برشا بالنجاح ويخليني نخاف أكثر
الكبارات متاعنا في الفن في تونس ماتولدوش كبار هوما تولدو كيفنا أما خدمو ومازربوش وهذا المبدأ إلي أنا نعيش بيه
اليوتيوب متاعي والمسرح ماهوش متاعي ولازمك تحترم المسرح وماعندها حتى علاقة باليوتيوب
كان باش نعاود إلي نعمل فيه في اليوتيوب في المسرحية عاد لواش جايين اقعد تفرج في اليوتيوب
علاش نحط في الغشة والإيحاءات في المسرحية متاعي ؟ أنا في غننا عنهم
الغشة ساهلة وبالنسبة ليا أنا عبارة مرا ماتعرفش تطيب ياخي عملت ماكلتها حارة باش تغطي بيها
عندي ما أهم من الغشة والحديث عن العلاقات الجنسية ونهار اخر ربي باش يحاسبني يقلي عطيتك شهرة وقبول شعملت بيهم
أنا نحاول باش نكون فنان محترم ومانحبش الناس تحبني نحب الناس تحترمني
ردة الفعل إلي صارت على لمين النهدي ماهيش متاع جمهور ونقول لسي لمين نقلو merci beaucoup لأنك أنت لمين النهدي وخليت الشباب إلي في عمري وصلنا عملنا وان مان شو هذا بفضلك أنت..”
