المنتدى التونسي موقع الأخبار التونسي 
كتب الصحفي السابق بإذاعة ديوان أف أم، محمد اليوسفي، تدوينة على حسابه الخاص على الفايسبوك انتقد فيها الإعلامي نوفل الورتاني الذي صرح مءخرا أن برامج ال Buzz هي المطلوبة من المشاهد وتجلب المستشهر اليوم، وتساءل اليوسفي كيف لبرامج نوفل التي تبث على قناة التاسعة التي تعتمد على ال Buzz أن لا تجلب مستشهرين والدليل أن نوفل لم يتلقى أجره من التاسعة منذ أكثر من سنة، واتهمه بين الأسطر بتضارب مصالح وقال اليوسفي:
“نوفل الورتاني عندو اكثر من عام عمر جنيح مولى التاسعة موش يخلص فيه.
يقول القايل موش قلتو التفاهة والرداءة تجيب الفلوس والاشهار وهاكي هي الطريق الصحيح اللي تؤكل منها كتف النجاح؟!
نوفل ما رجع يخدم السنا كان ما صححلو عمر جنيح على شيكات كل شهر يصب شاك على أمل انو يخلص في الفلوس الكل. على فكرة قناة التاسعة وعمر جنيح عندهم تاريخ في القلبة.
يقول القايل “اعلامي” غول كيفو قال عليه احد رؤساء التحرير “إمبراطور البوز” منين يعيش طيلة الفترة الماضية؟وكيفاش يقبل يخدم بالكريدي مدة طويلة؟
انا نبقى شهر ما تتصبليش شهريتي اللي هي مورد رزقي الوحيد(لانو لا عندي شركة متاع علاقات عامة ولا شركة انتاج خاطر هذا يمس من استقلاليتي كصحفي ويتعارض مع مدونة أخلاقيات المهنة اللي تجرم تعاطي النشاط التجاري اللي فيه تضارب مصالح على اي صحفي يباشر المهنة ) البانكة تدخلني للحبس على حكاية القرض ما غير ما نحكي على الملاك متاع الدار ؟
منظومة الإعلام في تونس حاجة معقدة برشة وللاسف البعض يسطح في النقاش حولها دون ادنى معرفة بخباياها.”
