زازا مهاجمة فوزي بن قمرة “شنوة تاريخو الفني عمل البوم من عام تسعين..أنا قدري نعرفو اما انت رد بالك على قدرك لا يطيح”

هاجمت الفنانة زازا الفنان فوزي بن قمرة الذي صرح سابقا أنه لايقبل الغناء معها.

وقالت زازا منفعلة لدى حضورها في برنامج فكرة سامي الفهري أنها لاتتشرف بالغناء معه وهي من رفض فكرة الديو معتبرة أن بن قمرة ليس له تاريخ فني كبير ماعدى ألبوم يتيم من سنوات التسعينات وأنها تتمنى أن تقدم أغنية مع حبوبة.

” شكونو فوزي بن قمرة بجلالة قدرو لطفي بوشناق ؟.. حبوبة رقم واحد.. انا حلمي نعمل ديو مع حبوبة و فوزي ما نعملش معاه ديو مستحيل… اي نجاح لفوزي بن قمرة الألبوم إلي عملو في التسعينات انا وقتها ماتخلقتش عندو حاجة جديدة ناجحة توة؟ . الموضوع الي بيني وبين فوزي بن قمرة راهي حكاية و خلاف قديم وهو يعرف والناس تعرف و google يعرفو …انا كنت يوم من الأيام مع طرف الخصم متاعو هو خاطرني جيت مع الحق… انا عملت ديو مع وليد التونسي و بلطي وهادي دنيا و وليد الصالحي …فوزي لاهو باش يزيدني لا انا باش نزيدو شكونو هو باش يقلي داخل على جبل بقادومة مايقليش هكا… شنوة تاريخ لفوزي بن قمرة عمل البوم من عام تسعين إلي هو أكبر من عمري… انا ما نعملش معاه ديو انا حرة …شنوة كل واحد يجي على كرسي هذا ويكلاشي زازا …عامين ما جيتش للتلفزة بأنقص حكاية شنوة كل مرة نجي نجاوب على تصريحات …انا بقدري وبخدمتي … يجي لهنا ويجي قدامك هادي ويقلي ليا انا عاش من عرف قدره شنوة معناها ؟…. انا إلي قتلو مانعملش معاك غناية موش هو… انا قدري نعرفو اما انت رد بالك على قدرك لا يطيح “