المنتدى التونسي موقع الأخبار التونسي 
ردت الفنانة التونسية يسرى محنوش عن إنتقاد مغني الراب أرماستا أن تكون هي من يغني جينيريك مسلسل الجبل الأحمر بديبلوماسية شديدة، حيث اعتبرت أنه من حقه أن يرغب في الغناء لشارة عمل يتحدث عن حيه مصرحة أنها تحترم رأيه لكنها لاتريد أن تدخل في التفاصيل.
وقالت يسرى محنوش في برنامج موزاييك بلوس على راديو موزاييك أف أم أن أغنية ‘ياجبل’ هي من كلماتها وألحان والدها مضيفة أنها والمخرج ربيع التكالي أصدقاء وبأها سعيدة لأنها لاول مرة تغني في شارة مسلسل.
“أول مرة نغني في جينيريك والاتصال جاء من المخرج والمنتج ، أحنا أصدقاء ولكن هي موش حكاية صداقة لأنو العمل عجبني
فما برشا ظروف شجعتني أني نقوم بالعمل هذا ، كي تبدى العناصر الباهية الكل متوفرة وحسيت أنو مؤشر طيب
حضرت في شويا كواليس وكان بحب وشغف وأنا أول مرة في تونس نحضر كواليس تصوير
ربيع التكالي خويا وأنا فرحانة برشا بالمشروع إلي يقدم فيه ونحب نشوفو في أحلى وابهى حلتو
كي مشيت وحضرت في الكواليس أبهرت وعجبني التصوير وجودة الصورة وممثلين كبار ياسر
المخرج كانت عندو رؤية وأنا احترمتها جدا وحبيت نكون بروفسيونال كملحنة وقلت خلي نسمع المخرج شيحب وعملت الرؤية إلي يحب عليها وهذا عجبني
كانت فما ثقة متبادلة بيناتنا وهذاكا إلي خلا لغناية تطلع في حلة مزيانة
كي سمعت اسم الجبل الاحمر مشى فيبالي نعمل غناية سخونة بالجلود والنوبة وستيل المزود إلي أنا نعشقو ، فربيع قالي أنا ما نراش فيها هكا يحب حاجة décalé شويا
كانت عندي حفلة في حمامات في رمضان وطلبوها لغناية ويلزمها تتغنى في الحفلات
ارماستا نحترم رايو ومانحبش ندخل في التفاصيل
عندو حق الواحد كي يعيش في بلاصة وينتميلها يحب يغني في مسلسل يحكي عليها”.
