المنتدى التونسي موقع الأخبار التونسي 
إستنكر الفنان محمد الجبالي رفضه في الدورة القادمة من مهرجان قرطاج الدولي دون إعلامه أو توضيح السبب في رفضه، مؤكدا أنه يستحق أن يصعد على ركح قرطاج فهو قد قدم أربع حفلات في هذا المهرجان ونجح فيها فلما يتم تجاهله الأن وهو صاحب الرصيد الفني المحترم.
وقال الجبالي في برنامج O’Star
مهرجان قرطاج ماهوش غريب عليا أنا غنيت فيه 2001 ، 2006 ، 2008 و2014 اخر سهرة تقاسمتها أنا وكارول سماحة ونجحنا في السهرات هذوما الكل والأغلبية كان بإنتاجي … إلي خلاني نتكلم هو أنو مانحبش الظلم وطالب إجابة وهذا للسنة الثانية على التوالي ، قدمت السنة الفارطة ومانعرفش علاش ترفضت والسنا عاودت قدمت دوسي اخر ، أنا بعد 35 سنة كاريار نقدم دوسي وإلي عملت 4 مرات قرطاج … وقدمت برنامج تفصيلي وكاشي معقول جدا ونفس الشي ماشي وأنو مايتقبلش … ديما نحرص يكون عرض متميز ، وهذا إلي استغربتو … تمنيتو يكون فما رد ، حتى ولو كيما الرد وقتلي كان رجاء فرحات مدير مهرجان قرطاج وبعد نجاح عرض2001 وقتها قدمت ملف بعد 4 سنين وقتها كتبولي “لم يتم برمجة عرضك في مهرجان قرطاج وهناك بعض المهرجانات التي تشجع المواهب” … صارت برشا حاجات ولكن مانحكيش أنا خدام … السنا ماجانيش الرد ، ماتعبيش المهرجان اذا أنت غايب ولا ماعندكش جديد ولا تكون غنيت فيه قبل وفشلت”.
