المنتدى التونسي موقع الأخبار التونسي 
تحدث فنان الراب سانفارا عن أسباب تغيبه عن حفله في القصرين، والتي كانت مبرمجة في إطار مهرجان التفاحة الذهبية بالقصرين، وقال إن ماحصل مسألة عادية وليست سابقة في تاريخ الفن موضحا أنه أعلم إدارة المهرجان من الخامسة مساء وليس أخر وقت كما راج معتبرا أنها حملة شيطنة له وليست بالبريئة لأنه فعلا كان مريضا وله الإثباتات الكافية.
وقال سانفارا في برنامج Fun Time مع عفاف الغربي
“مانيش أول مرة نتغيب على حفل ساعات الواحد تجيه حالات يصبح مايقدرش
ماهيش في آخر دقيقة قلنالهم إلي مانجموش نجيو للمهرجان واعتذرنا أعلمناهم الخمسة متاع لعشية
ماهيش أول مرة ولا حاجة جديدة أنو يكون عندك مهرجان ومبعد تمشي تخدم شوكايز في الليل تقريبا كل يوم نخدمو هكا وعندنا حساب متاع وقت
الشوكايز نطلعو مخر الثلاثة والاربعة متاع الصباح
في الكونترا في المهرجان عندنا ساعة وربع على المسرح يعني نكملو 23:15 ونخرجو 23:30 نجمو نوصلو لسوسة ونرتاحو ومبعد نخدم الشوكايز
انتوما مكذبيني مانيش مريض ميسالش تنجمو تختاروا أي طبيب ونعملو تحاليل ونشوفو مريض ولا لا وكان نطلع نكذب نتحمل مسؤوليتي
بالطبيعة بعثتلهم شهادة طبية وماقبلوهاش مني وهذا بفعل فاعل ، بعثت شهادة وتصويرة ليا أنا في الكلينيك و ordonnance
في لخر تجيك أطراف ما عندها حتى دخل في الموضوع ويركبوا على الحدث ويوليو أبطال على حسابكم بالرغم إلي أنا عمري ما قلت فيهم كلمة خايبة
ماهيش عفوية جملة لأنو موش من طرف واحد لحكاية
بالرغم إلي الكاشي كبير موش شويا ، ياخي فما واحد يقول لا على الفلوس ومانيش عامل مزية وهوما زادة موش عاملين مزية
ماذابيا علخر نعمل حفلة في القصرين لأنو أثر فيا الموضوع ونحب نتجاوزو
لقيت عباد حبت تركب على الموضوع هو واحد برك مهبط ستاتي مافهمتش شنوة قصدو”.
