المنتدى التونسي موقع الأخبار التونسي 
صرح أمين زينة منظم تظاهرة نجوم تونس التي أسندت جوائز لمشاهير مؤخرا، أنه تعرض لتشويه بسبب بعض من نسبو جوائز لأنفسهم مثل معاذ بن نصير الذي كان في لجنة تحكيم المسابقة فما راعني إلا أنه قدم جائزة لنفسه وهو مايعتبر ضربا للمسابقة ونحن نتبرأ منه ومما فعله، كذلك أتبرأ من بعض من حضر الحفل ليلتقط صورة مع صديق وينسب الجائزة له دون علمنا.
كما تحدث أمين زينة في برنامج الدوامة بلوس عن انتقاد للجائزة التي تسلمها سمير الوافي الذي كان داعما للمهرجان وتحصل على تكريم يشمل مسيرته الكاملة.
وتحدث بن زينة عن كل ماشهده المهرجان من إنتقادات قائلا
“نعترف بالأخطاء والكونسابت مازال في بداياته ومازلنا نصلحوا
الغلطة السنا ممكن في اللجنة إلي اسندت جوائز وعملت برشا بوليميك ومشاكل للحفلة
هل أنت كرئيس لجنة تنجم تعطي روحك جائزة!
فما تعهد بيني وبينو أنو يلتزم بالحياد والمصداقية
أنا حتى كيف سألتو معاذ بن نصير ومالقيتش إجابة واضحة
أنا نقلو ربي يهديك وهذي ضربة للمصداقية متاع المؤسسة وأنا لا ولن أسمح بذلك
نحن نتبرأ من جائزة معاذ بن نصير وغيره من الجوائز إلي فما ناس نسبتها لرواحها وأحنا ماعطينهاش
سمير الوافي خذا تكريم لما قدمه طوال مسيرته الإعلامية موش جائزة
أنا استدعيتو للحفل هو قالي راني مستانس نجي نتوج ومانشوفش روحي في وسط ناس قاعدة تتوج وأنا قاعد ، قتلو مع كامل احتراماتي ليك قتلو ايجا معزز مكرم وتقعد مع اصحابك وتو المؤسسة تعطيك تكريم
سمير الوافي قبل بنهارين كان هبط ستاتي متضامن معايا بعد ما صار اشكال كبير وأنا كلمتو واستنجدت بيه وعمل اتصالاتو ويلقالي تسهيلات
فما ناس جات منغير استدعاء وفما ناس تبوربو
حتى واحد ملي حضر في الحفلة قالي راي حفلتك زبلة ولا تقلقت
إلي كتبو سمير نعتبرو ضرب للسهرة ، في شنوة قزمتو ؟ وتكريمو كان مبرمج من قبل
تكريم معاذ بن نصير مافيباليش بيه
كان فما سوء تنظيم من عند معاذ بن نصير لأسباب شخصية مانجمش نذكرها وهو أصدر جوائز فيهم إلي أنا مافيباليش بيهم
أنا استدعيت 4 من الإنستغرام منهم سيرين بن عمار باش كيف تجي تصور وتعمل دعاية للتظاهرة
هي كانت ضيفة فقط ماعندهاش لا جائزة لا تكريم
ملا وقاحة ، يعني يبدى صديقك إعلامي بجنبك تقلو اعطيني الجائزة نصور بيها وتهبطها تقول باركولي”.
