المنتدى التونسي موقع الأخبار التونسي 
عبرت الانستغراموز فرح بالقاضي عن تأثرها الكبير بسجن صديقتها السابقة مريم الدباغ ، مؤكدة انها سامحتها و صداقتهما دامت لمدة 25 عاما.
و قالت بالقاضي خلال استضافتها في برنامج “ذو بيغ شو” على قناة تونسنا” ، ”توحشت مريم و مسامحتها . مريم صاحبتي ملي عمرنا 15 سنة عشرة 25 سنة.. و ما نحبش نحكي عليها و هي في الظرف هذا و هي توا ما تنجمش تجاوب و ربي يفرج عليها…ما نستحق حد يتدخل بيناتنا ما نفضوها كان انا وياها… مريم نحبها و كان تجي قدامي ماذابيا نعنقها … أنا توقفت 4 أيام ، وكانوا أكثر الأيامات رعبا في حياتي .. ماترقدش ، تخمم كان في بوك وأمك وكيفاش عبد لبرا تصير حاجة وأنت مافيبالكش وتبدى تستنى في ماكلتك وتتشهى في n’importe quoi وتلقى روحك مع عباد إلي قتلت بنتها وغيرها … أنا شديت كراسة وقعدت نكتب لين كتبت كتاب في 4 أيام والنساء إلي يبداو معاك كل وحدة عندها حكاية وعباد تصيرلهم حاجة يلقاو رواحهم غادي سنوات ، مرعبة الوضعية هذي .. ماتتمنهاش للعدو متاعك ومريم الدباغ بالطبيعة نحن عليها وعلى أي عبد في الوضعية هذيكا ومانحبش نحكي على عبد ماينجمش يجاوبني ماينجم كان يغزر ، وقدر في عايلتها خاصة … إن شاء الله مريم تخرج أقوى وهذا درس للناس الكل وكي عندك حاجة باش تعملها ولا تقولها لصديق تهز التاليفون موش تبدى تحكي وهذي للعباد الكل”.
