الصحفية نعيمة الشرميطي تهاجم أمين قارة

في تدوينة لها على الفايسبوك كتبت الصحفية نعيمة الشرميطي تدوينة انتقدت فيها الطريقة التي رد بها على هالة الذوادي عندما قال لها إنها سقط المتاع..وكتبت الشرميطي “يزيوا من لكلاشات راكم عملتوا العار يا زملاء في آخر الأسبوع رد أمين قارة بكل قسوة على هالة الذوادي و قالها حرفيا : يا سقط المتاع و قليلة حياء بعد ما عبرت على رأيها عن برنامجو و قالت ما يقدمش الإضافة و هي حرة في رأيها… لحقيقة حسب رأيي و كلامي موجه لأمين، وسع بالك و خلي عندك روح رياضية يا اخي اشنوا العنف اللي تستعمل فيه و لكلاشات، اللي ينقد برنامجك تقوم تسبوا و تهينوا و تخرج الميساجات كما عملت مع فرح بن عمارة …. عيب كبير يا أمين راهو كلامك هذا ما يبعدش على مستوى كلام النواب اللي كنا نشوفوا فيه و نسمعوا فيه … انا نحشم كيف نسمع انو صحافي ينتمي لاذاعة أولى و قناة أولى يحكي بالمنطق هذا ،أتمنى انو تراجع روحك .طبعآ هذا ميساج بكل لطف و حتى كان بش تسبني ميساليش و كلامي موجه لكل الزملاء المهسترين خليكم راقين و أصحاب السلطة الرابعة”