المنتدى التونسي موقع الأخبار التونسي 
علّق الإعلامي نوفل الورتاني يوم أمس في برنامج ديما لباس على ديوان أف أم على تصريحات فاتن الفازع وخلافها مع زياد المكي وقال :”أميمة مقدمة ناجحة وبرنامجها باهي وفاتن الفازع كاتبة كبيرة ومحترمة وننصحهم ميجاوبوش الأيام القادمة على الموضوع خاتة ثلاثة ولا أربعة أيام وتو ينساو الناس الموضوع. فاتن أكيد من اليوم بش تولي تختار المنابر لي تطلع فيها وما تزيدوش تعملو تأجيج وتدخلو في العلاقة بين زوز أصحاب.
”وأضاف نوفل مهاجما زياد المكي :”فما ناس تلعب فيها هازا درابو الشرف و تدافع عليه وتحكي على النزاهة والأخلاق الي ما تتوفرش عندك وجايبها المصلح العظيم.. وتعمل في هذا فقط من باب الركوب على الحدث.. وفاتن الفازع امرأة عظيمة ومتربية ومن عائلة كبيرة..”.
ليردّ عليه زياد المكي بتدوينة نشرها على حسابه الخاص قال فيها :”أنا ما ركبتش على الحدث أنا عطيت رأيي الي هو أحنا في مجتمع مسلم محافظ عنا ميزة الي هي نحشمو وما نتباهاوش بالمعاصي الي نعملوهم.. توا انت تقبل أولادك يدخلو الشراب ويدخلو طفلة لدارك ؟؟ وأنا ما قدمتش روحي على أساس اني إمام جامع.. قلو وقتاش نوليو شرفاء .. قلو حتى بموتو كبار الحومة.. قداكش منشط بليد وركيك.. وكيما قال سواغ مان موش لازم ندخلو في الطبعة bro..”.
