نضال السعدي “أمي كي شافتني في القبر اتطرشقت بالبكاء”

صرح الممثل نضال السعدي في برنامج فايقين الذي يقدمه على إذاعة إف أم أن والدته أجهشت بالبكاء وهي تتابع حبقة أمس من مسلسل الفوندو وقد تأثرت تأثرا شديدا بمشهد القبر عندما دخل ‘يحي’ في القبر قائلا

“لبارح شقيت الفطر مع بابا وأمي في دارنا ووقتها étant donné نعرف تسلسل الأحداث، سبقت ومشيت بجنب التلفزة، ووقتلي بدا المشهد متع القبر نسمع في أمي إطرشقت بالبكاء، وأنا محضرتهمش ومحكيتلهمش عالمشهد، وأنا محكيتلهم شي فقط بش نخليهم يتفرجوا كيما الناس الكل، … du coup وقتلي تعدات ال séquence هذيكا نسمع في أمي إطرشقت بالبكاء ونعرف فما برشا ميساجات متع عباد قالولي راهو بكينا، لكن نتخيل حد ما بكى قد أمي البارح، … رصالتلي مشيت بجنبها وقعدت شاددها من يدها متع هاني موجود، … حاسيلو عدات حلقة كاملة ” اللطف اللطف اللطف… إسم الله على ولدي وأنا نقلها خنسمعوا شوية… en tous cas نتخيل صعيبة ليها ونتصور فما عباد بكاو… والأم c normal تتمس خاتر حتى كان تمثيل يأثر فيها وهي كيما كل أم تتوجع كي تشوف حاجة هكاكة”.