وهبي بن رحومة بعد حجب كليبه “الناس احتجت على فازة النقاب من فوق وميني من لوطة وعلى واحد يصلي وقام يشرب”

صرح الفنان وهبي بن رحومة في برنامج لباس ضو أن فيديو كليبه الاخير تعرض لموجة سينيال على اليوتيوب فتم فسخه لاحتوائه مشاعد لم تفهم كما ينبغي “نحنا عندنا كليب فيه 4 دقائق منجمش نعمل مشاهد طويلة باش تفهم بيهم ومانيش عامل مسلسل أنا … أنا نحكي على التناقض في لغناية ، وعلاش مانوريش ؟ … صار برشا سينيال على يوتيوب وتفسخت ولكن اهيكا رجعت وعملت نسب المشاهدة أكثر من العادة … أنا من عائلة متدينة جدا … وإلي عملتو في الكليب ماهوش استفزاز 100% ، نحب نوري الناس إلي أحنا هكاكة نصلي وساعات نعمل كذا وكذا علاش مانقبلوش رواحنا … الناس احتجت على فازة النقاب من فوق وميني من لوطة وعلى واحد يصلي وقام يشرب ، وهذا صحيح … يتفرجو في كليبات فيها عرا والشي ظاهر يقولو محلاها وميسالش”