الممثلة فاطمة بن سعيدان “جاني عرض من سوسن الجمني باش تعطيني دور في الفوندو ورفضتو”

صرحت الممثلة المسرحية فاطمة بن سعيدان في برنامج O’Star على راديو ديوان ديوان أف أن سر غيابها عن التلفزة يعود لها أولا وبسبب إهتمامها بالمسرح خاصة، كما قالت سعيدان إن المخرجة سوسن الجمني اقترحت عليها دور في مسلسل الفوندو لكنها اقترحتأن تقوم ببعض التعديلات التي لم تتوافق فيها مع المخرجة وهو ماجعلها تعتذر عن الدور.

“أنا ماعنديش موقف ضد التلفزة ، لكن أنا نعتبر روحي بنت المسرح وكيف نخدم مسرح ماعنديش وقت باش نمشي نخدم عمل آخر … غيابي عن التلفزة أولا هو مشكلة وقت وثانيا هي مشكلة مشروع ، جاوني برشا اقتراحات لكن ما كان فما حتى اقتراح نلقى فيه روحي منهم اقتراحات كنت قريب باش نعملهم وبطلت … قبل كان يا مكانش جاني اقتراح في مسلسل الفونود ومشيت مع المشرف عن العمل وقلت أوك وسوسن الجمني محلاها ونحييها ونحبها برشا أما الشخصية إلي عطاتهالي عجبتني وماعجبتنيش وقلتلها نطورها نوع اخر وهي ماراتش هكاكا فخممت وقلت لا ، خاطر أنا كان باش نعمل دور الميما إذا كان مانخدمهاش كيما نحبها تكون والشخصية حبيتها وحلمت بيها وكيف المخرجة ماظهرلهاش أنا رفضت … مبعد قعدت اكا حدي وقلت هي عملت عليا فكلمتها قلتلها اذا كان مالقيتش ممثلة اخرى ميسالش نخدمها عن مضض ولحسن الحظ لقات … قبلت كان يا مكانش خاطر عجبتني اللمة والقصة إلي فيه وعبدالحميد في لول قتلو لا وهو شد الصحيح”