المنتدى التونسي موقع الأخبار التونسي 
رد كاتب عام نقابة الموسيقيين ماهر الهمامي مجددا على الاعلامية بية الزردي بأنه نقيب الموسيقيين والفنانين جميعا وهو منتخب للدفاع عنهم ولإيصال صوتهم، كما نصحها مجددا بزيارة طبيب نفسي نضرا لكثرة عداوتها ومهاجمتها للفنانين على حد تعبيره.
وجاء رده هذا بعد تعليقها في برنامجها وقيت بية على راديو إف أم أن الهمامي يدافع عن فنان زار إسرائيل وبأن أمين قارة ليس عدوا للفنان التونسي كما ادعى الهمامي سابقا.
وقال ماهر الهمامي
“بربي سامحوني، نعرف باش تلوموني الي قاعد نجاوب فيها..
اولا ماعادش باش نقدرك ونقلك مدام او اخت او اي حاجة من الالقاب الي يستاهلوها الناس الباهيين، بية وياسر فيك…
اولا كيف انتم عندكم مصداقية علاش ماعديتوش تدخلى كيف نصحتك نصيحة الطبيب النفسي ؟ ونعاودلك دفاعي على الفنانين بصفتي نقيب منتخب،تعرف شنو معناها منتخب؟ يعني نمثلهم ونقول ونوصل الي يحبو يوصلوه. واي اي اي بكلهم الي تهجمتوا عليهم في برنامج jdt كلموني وكلفوني باش نتصدالكم، انتم ماستانستوش بشكون يواجهكم ويرد عليكم. وموضوع الفنان محسن الشريف تعاود تلكلك فيه وهو وفا عندو مدة واللوبانة هذيكا ماعادش تتعدى.وتعاود في موضوع الميساجات الي بيناتنا عندهم سنين، ماني قتلك كان عندك الشجاعة تقول المقابل باش تعديلي غنايتي وانت نكرت،.أما في موضوع اني نجحت كفنان او مانجحتش عااااادي والله لا يقلقني انجم مانيش ناجح كفنان اما كماهر الهمامي والحمد لله الناس تحبني وتنجم تقارن بين كمية كره وعداوة التوانسة ليك..وفي موضوع شنو عملت فالنقابة تحبلي صفحاااات وانا نكتبلك..
نجي توا للي معاك الي اسمو وعد !!!! انا مانعرفكش وكلامك غالط قابلتك مرة في سهرية خاصة وخالط تجري ورايا لبيت الراحة وجبدتلي موضوع العداوة مع امين قارة…نتفكر صحت عليك وقتلك اش دخلك والمكان غير مناسب…وراني مانيش خايف من حضوري فالبرنامج…
على كل..نعاود ننصح بية تعمل زيارة للدكتور سليمان الأبيض وانا نخلص الفازيتا…..اه نسيت خلصها انت من زوز ملاين متاع مهرجان تستور للمالوف…”
