مغني الراب yousfi “أنا كل يوم نقوم نصلي الفجر حاضر في الجامع.. بابا كان يراني لابس بلوطة يفسخني من المضمون جملة”

صرح مغني الراب يوسفي أنه يحرص على اداء صلواته في أوقاتها وبأنه يرفض أن يغني مع فنان راب يستخدم كلمات تخدش الحياء لان له عائلة تتابعه وتسمع أغانيه.

وقال الرابور يوسفي لدى حضوره في برنامج فكرة سامي الفهري “أنا كل يوم نقوم نصلي الفجر حاضر في الجامع وبعد نتعدى نعمل صحفة لبلابي في المنصف باي ومبعد نتعدى للاستديو على روحي … صلاتي هي حاجة بيني وبين ربي منحبش نبدى نحكي بيها والحمدلله ماعنديش لا مخدرات لا شي … أنا قاعد نعمل في موزيكا باهية ونظيفة ومحلاها … ضد اني نغني مع رابور يقول كلام احرش لأنو عندي عايلتي تسمعني ، والله كي يقوم توباك من القبر لا نعملها … غدوة بابا يسمعني نغني في كلام زايد ولا حد يغني معايا ماتجيش أنا نحشم ونقدرو برشا … أنا وبابا صحاب أما القدر قدر وأمي مشجعتني برشا وبابا توا بدى يشجع فيا ولقاني مواضب … بابا كان يراني لابس بلوطة يفسخني من المضمون جملة وأنا أصلا منحملش هاك الصبيغة والشعر والتاتواج”