المنتدى التونسي موقع الأخبار التونسي 
صرح الفنان حسين العفريت أن الراحلة فائزة المحرصي كانت توصي بدفنها في تونس وبالتحديد في مقبرة الجلاز، لكن من حق عائلتها أن ترغب في دفنها جربة غير أن مشيئة الله دفعت بدفنها هنا في تونس لتكرم وتدفن ليلة جمعة.
كما تحدث حسين في برنامج Jdt على قناة الحوار التونسي عن خصال فائزة رحمها الله حيث قال
” فايزة المحرصي طيبة الأخلاق بشهادة الجميع انشالله تكون فائزة في الدنيا و في الآخرة… كانت تفرح للعباد قبل الناس الكل هذا من خصالها… فايزة مشات و خلات الأثر الطيب والكلمة والفعل الطيب هم السابقون ونحن اللاحقون…. فايزة في أوج المرض متاعها تكتمت و سكرت على روحها…. فايزة خلقت لتسعد الناس وتدخل البهجة… انا كنت قريب منها سبحان الله فما بعض المؤشرات ربي دور بيها ناس والألفة والحنان والحياة والرحمة ربي دور بيها هذوما ناس الي لهم رمزية…. حبو برشا ناس يزورها لكن هي ترفض كانت ترفض اني نزوها ثلاث مرات رابع مرة دخلت على فايزة سبحان الله وجها منور ربي يبعث نورو… انا عشت معاها لحظات صعاب برشا عشت معاها ساعات الاحتضار خاصة على امتداد سبع ساعات كان فمة تجاوب من عند فايزة سبحان الله… وصية فايزة انها حبت تتدفن في تونس في الجلاز بالتحديد وفمة زادة رغبة عايلتها ومن حقهم انها تتدفن في جربة لكن كي ربي يكرمها وتتوفى في ليلة الجمعة وما ادراك ما ليلة الجمعة من المستحسن نهار الجمعة لأنو عندو صبغة على المستوى الديني.. حبينا نزفوها كعروس يوم الجمعة كنا باش نمشيو لجربة و كان كملنا في المسار هذاكة ماكنتش فايزة باش تتدفن في نهار جمعة.. حبينا جنازتها تكون في يوم جمعة و في صلاة الجمعة و كرمها ربي في جنازة كبيرة برشا ربي يرحمها “
