المنتدى التونسي موقع الأخبار التونسي 
تحضر الانستاغراموز مريم الدباغ لأول مرة منذ خروجها من السجن في برنامج فكرة سامي الفهري، وقد قالت الدباغ من خلال البرومو التسويقي للحصة إنها لم تتوقع أبدا دخولها السجن وأن التجربة لاتتمناها لأي شخص.
وأضافت الدباغ
” كانو ربي جاء باش يعطيني درس مشيت لفلسطين المحتلة تنحالي الأنستغرام متاعي جاني اكتئاب على فلسطين مرضت مشيت للكلنيك و مبعد توقفت في الحبس هذوما الكل جاوني في 3 اشهر هي مفاجأة لعائلتي …انا قلت مريم الدباغ ما تدخلش للحبس مفماش وصلت بلحق نقول انا مايمسني حتى حد في البلاد نعيش في أحسن بلايص وصلت ساقي معادش يمسو القاع …وقفت الباقا نهز راسي نلقى مكتوبة سجن نساء بمنوبة صدمة حياتي… انا قلت بلكشي كاميرا خفية متاع رمضان impossible مريم الدباغ تتدخل الحبس عندي انا وفي مخي عندي انا الحبس prison break داخلة في امريكا و إلا في دبي عندك تلفزة و chauffage و بيجما وفرش فيه زوز عباد وتحكي بالتليفون كي دخلت للبيت دخلتهم نتبهلل cc les babies مبعد قلت يا ربي قعدو يخزرولي وحدة جات تمس في وجهي وشعري والله هي قالت والله هي خفت… أصعب حاجة هي العائلة وقت الي يجوك بابا ماشافنيش ملي دخلت للحبس لا سمع صوتي لا راني .. خايبة برشا …كتبت كتاب.. كل دقيقة تصير حاجة في البيت نكتبها …ردو بالكم من التعاليق ردو بالكم من لايكات ردة بالكم من الخلطة ردو بالكم من المخدرات راهو الحبس متاع حتى حد…”
