الإعلامية ثريا العمري : سمير الوافي “منافق” والأخير يرد (فيديو)

خلال استضافتها في برنامج الدوامة على إذاعة “إبتسامة أف أم” قالت الإعلامية ثرية العامري أنها ترفض أن تكون ضيفة في برنامج وحش الشاشة الذي يديره الإعلامي سمير الوافي ناعتة هذا الأخير ب”المنافق” 

ردا على هذه التصريحات كتب سمير الوافي على حسابه بالفيسبوك 

بربي شكوني ها المواطنة اللي إسمها ثريا العمري عرضتني تصريحاتها التاريخية في فايسبوك توة…قالت في الراديو ” نرفض نحضر في برنامج سمير الوافي ” !!!… تي قدملي روحك قبل !؟…عرفني بروحك يا مواطنة !؟؟ فاش تبيع !؟…حتى الخضار اللي نقضي من عندو اللي نحترمو…يرفض يحضر في برنامجي زادة…وعندو حق…أنا بيدي نرفض نحضر في برنامج أوبرا وينفري شكون يسالني…ولو كان تطلبني مونيكا بللوشي ما نهزش عليها…!!! تي شبيها البلاد ولات هكة…كل مرة تطلعلك وحدة لابسة خيط تناقش وتسب وتتجلطم…تجاوبها تولي متورط في عركة تافهة متاع حمام…!!! الحمد لله أنا بديت نِتْعْرَفْ و نتشهر في الزمن الجميل…في صفحة متاع جريدة عزيزة إسمها الصريح…نكتبها كل جمعة ويتذكروها الصحاح…كانت الشهرة صعيبة وشاقة…ورحلة موش تنقيزة…لا فايسبوك لا أنستغرام لا يوتيوب…يكتبو عليك سطرين في جريدة تحس روحك توم هانكس…توة قصّر روبتك وطوّل لسانك تولي مشهورة في ربع ساعة…يا ربي لطفك