تدوينة مؤثرة للفنانة جميلة الشيحي “اتركوا الفنانين بسلام …ارجوكم …ماعادش توجعوهم… ” (صورة)

كتبت الممثلة جميلة الشيحي تدوينة مؤثرة على حسابها الخاص على الفايسبوك، وذلك بعد وفاة الممثل توفيق البحري.

وقد عبرت جميلة عن ألمها وحزنها الشديد لفقدان صديق عزيز قضت معه أجمل الأوقات في تصوير سلسلة شوفلي حل مع العديد رمن الأصدقاء المغادرون على غرار سفيان الشعري وخديجة السنوسي وصلاح الدين الصيد… قائلة “كلمتين لروحي وليكم ….

ساعات احنا الفنانين اشوفونا تصاور وبهرج وماكياج وبوز ومشهد في مسلسل في شهر سيدي رمضان مع الشربة والبريكة….وهاذاكا بيه وهاذيكا عليها…الي يشكر وخاصة الي اسب ويتنمر ويثلب ويجبدلنا اصل والدينا الاول….ونسكتوا ونتحملوا ونعديوا الفرحة ساعات مخلطة بالوجيعة…وما يتفكرونا بالكلمة الطيبة كان وقتلي واحد منا افارق هالدنيا الفانية….سفيان ….سوسو….خديجة…خدوجة …سي صلاح …توفيق …توتو….دموعي من البارح ما فارقتنيش علي ناس خدمت معاهم وحبيتهم وعديت معاهم احلي لحظات حياتي….وانتوما زادة تقسموا معاهم الضحكة كل يوم وانتوما تتفرجوا في شوفلي حل ….خسارة منحسوا ونعترفوا بقيمتهم كان وقتلي اغادرونا….برشة ذكريات معاهم محلاها…ضحكة من القلب ….وخدمة ومحبة كبيرة للمهنة…وتضحية للفن الي يجري في عروقهم وعروقنا…..وكل واحد من المدارس والقامات هاذي افارقنا اهز معاه طرف مني….بكيت كيفما بكيت علي امي خاطرهم هوما زادة عايلتي واصحابي ولقشة من قلبي….ومعادش عندي القدرة علي تحمل وجيعة فقدانهم….اتركوا الفنانين بسلام …ارجوكم …ماعادش توجعوهم…هوما روح الشعب …روح الانسانية…الي روحهم السلام”