المنتدى التونسي موقع الأخبار التونسي 
كشف الاعلامي سمير الوافي ، أنه خدع عند الانضمام لشركة كاكتوس برود للانتاج و قد يغادرها قريبا بعد الظروف و الصعوبات التي يواجهها .
و أضاف الوافي قائلا :” يا حسرة على شركة كاكتيس و المجد متاعها مع مؤسسها سامي الفهري انا خدمت مع كاكتيس في الحوار التونسي وقت كانت الشركة في عزها و بريقها’ ، حسب تصريحه لموزاييك . و تابع الوافي : انا كي تعاقدت معاها السنا ما كنتش في بالي بالحالة المزرية الي عليها توا كان جا في بالي ما نخدمش..الواحد يضحي خاطر ياما كلى من خير كاكتيس اما توا بالحق الخدمة قريب تولي مستحيلة انا كنت نتسائل علاء و نوفل علاش قصو مع كاكتيس الي هوما أولادها و توا فهمت علاش’.
وكشف سمير الوافي، أن الشركة تمر بصعوبات كبيرة قائلا :’انا في برنامج هل تجرؤ وصلت نجيب الضيف في كرهبتي و نروح بيه انا و نخدم الأسئلة و الاعداد وحدي و اختي معايا اما ما عندهاش برشا يدين.. ما نعرفش في القريب العاجل بش نواصل في البرنامج ولا نغادر خاطر صراحة مانيش قاعد نشوف في ضو في الافق و ملف كاكتيس معقد و الدولة ما تحركتش’.
كما أعلن سمير الوافي أنه بصدد الاعداد لمشروعه الخاص و الذي سينطلق قريبا .يشار أن عددا من الصحفيين و الموظفين و العاملين بشركة كاكتوس برود المصادرة للإنتاج، قرروا الخميس تنفيذ وقفات احتجاجية أمام مقري وزارة المالية ولجنة الأملاك المصادرة احتجاجا على عدم تجاوب سلطة الإشراف مع مطالب أكثر من 150 صحفي و موظف و عامل.و تأتي هذه الوقفة الاحتجاجية ،على خلفية استمرار سياسة المماطلة و عدم صرف أجور و مستحقات الصحفيين و الموظفين و العاملين لأكثر من شهرين، و عدم تمكينهم من تغطيتهم الإجتماعية.كما تقرر ايقاف انتاج البرامج و التي تبث على قناة قرطاج +.
