المنتدى التونسي موقع الأخبار التونسي 
صرح محمد الفرشيشي محامي الاعلامي سمير الوافي في برنامج ساهرين أن موكله سمير الوافي في حالة ايقاف تحفظي و السبب الرئيسي قضية قديمة في التحيل من 2013 و2014 وقال “أن اطوار القضية انو سمير الوافي حب يدخل في الانتاج التلفزي و اتصل بشخص معين عن طريق صديق و عرض عليه فكرة انتاج برنامج تلفزي و طلب منو انو يقرضو مبلغ من المال السيد وافق و قالوا انا مستعد نضمن فيك مع البانكة و خوذ قرض و مشات الامور هكاكة و خذى القرض و بدى يحضر في الانتاج لكن سمير تعرض لصعوبات مالية في 2014 و رجعتلو برشا شيكات بدون خلاص و استغل الفلوس لخلاص الشيكات و تعذر انتاج البرنامج التلفزي و ما نجمش يرجع القرض فالبنك استغل الضمان و خلص من عند السيد الي ضامن في سمير وتوة السيد اتصل بسمير الي طلب منو جدولة و ما اتفقوش في طريقة الخلاص بالتقسيط فقام السيد هذا بإيداع شكاية تحيل ضد سمير الوافي في بداية 2018 ووقتها وكيل الجمهورية اصدر قرار بالحفظ للصبغة المدنية للنزاع قال هذا نزاع مدني لا تتكون منه جريمة وبعد حفظ الشكاية السيد قرر يواصل في النزاع الجزائي و سمير الوافي قاعد يبحث في القيام على المسؤولية الشخصية في التحيل و تبييض الأموال ومن سنة 2020 لليوم و سمير الوافي يبحث امام قاضي التحقيق ووقف قدامو 4 و لا 5 مرات و خلاه كل مرة في حالة سراح واليوم استدعانا قاضي التحقيق و مثلنا امامو و ماراعنا انو اصدر بطاقة ايداع بالسجن في حق سمير الوافي”.
وأضاف بداية من يوم الاثنين انجمو نقدمو مطلب افراج اذا ما وافقش قاضي التحقيق بش نمارس حقنا بالطعن في الاستئناف امام دائرة الاتهام المبلغ موش كبير عادي و اقل ببرشا من مليار،القضية موش خطيرة و الاسبوع القادم بش نحاولو نسويو الوضعية مع الشاكي و ندفعولو قسط و لا المبلغ الكل و يعمللنا اسقاط.
