المنتدى التونسي موقع الأخبار التونسي 
تحدث الفنان غازي العيادي في برنامج الاختيار على قناة التاسعة عن علاقته الوطيدة بالفنانة التونسية الراحلة ذكرى محمد التي استقبلته في مصر وكانت له خير سند، وتحدث العيادي عن بعض التفاصيل ليلة قبل وفاتها حيث قال أنها كانت تود العودة إلى تونس لتقضي فترة لانها كانت على خلاف مع زوجها وكانت تستفسر عن ما اذا كانت هناك طائرة يوم الاحد وهو اليوم الذي عادت فيه فعلا إلى تونس لكنها في صندوق
“ذكرى محمد كان اخت و صديقة و كنا قراب برشا.. قبل ليلة من وفاتها تقابلنا و ليلة وفاتها حكينا بالتلفون قتلي قلقت نحب نروح نعدي 4 ولا 5 أشهر في تونس حتى لين هذا ينساني.. و حكاتلي الي هي و راجلها مش مريڨلين قتلي نحب نروح نهار الأحد قلتلها ما ثماش طيارة خلي نهار الاثنين بطبيعتها ثمه طيارة لتونس قتلي لا نحب نروح نهار الأحد.. و بالحق روحت نهار الأحد اما في صندوق.. نهار الواقعة انا راقد تاعب و التلفون ينوقز و ما فقت بشي يمكن 70 مكالمة. كي فقت طلبني مسؤول في الدولة التونسية قلي لاباس قتلو لاباس شفما قلي ماهو ذكرى توفات طلبت اختها بالوقت نلقاها منهارة.. في المرواح حاولنا انا و صابر و لطيفة بش نلقاو طيارة بالأحد ما لقيناش كلمتنا هالة سرحان قالت هاو الوليد بن طلال بش يوفر طيارة خاصة… ذكرى كانت الأخت و السند و هاي 20 سنة متوفية قسما بالله العظيم الناس الكل تشكر فيها و في طيبتها كانت تقلي الناس الكل يكلمو فيا على ديو و انتي لا نقلها ما جيتش لمصر بش نستغلك تو تجي بطبيعتها.. ذكرى قد ما نحكيلك مش بش نوفيلها حقها كان كي يطيحلي الهوا نلقى ذكرى بجنبي الله يرحمها و ينعمها “
