المنتدى التونسي موقع الأخبار التونسي 
هاجمت عارضة الأزياء و الممثلة عزة سليمان عدد من متتبيعيها على حسابها الرسمي بالإنستغرام الذين يقومون بالتنمر عليها و شتمها في الرسائل.و قالت عزة سليمان في فيديو نشرته عبر خاصية الستوري “”هاك العباد الي يبعثولي في مساجات السبان و كومنتارات متاع body shaming و مركزين كان مع بدني خاصة البنات و النساء علاش مازلتو عاملينلي follow انا في بالي الي يتبعو فيا كان الناس الكيوت و محلاهم و امخاخهم محلولة كي انا ما نعجبكش علاش اتبع فيا اعمل unfollow و برا تبع عمرو خالد متاع حديث الصباح و المساء”.
و تابعت “انا حرة في بدني و راهو هاك العقلية متاع تلبس بش تعجب الراجل تضحك و هاك العقلية الذكورية المعششة في اللاوعي خاصة في امخاخ البنات الي ما نلومش عليهم تجي تسبك باش تظهر هي للرجال لخرين محلاها و مختلفة و تبارك الله عليها ماهيش كيفك”.و ختمت تعليقها بالقول ” عمرك ما تربط روحك براجل عيش كيما تحب البس القصير الطويل الي تحب الحاجة الي تحبها و تفرحك و خلي كلام الناس آخر همك”.
