عزة سليمان تنتقد منع النزل للبوركيني: “معناها عريانة ميسالش تعوم و متحجبة لا.. هاذي فضيحة !! “

انتقدت الممثلة عزة سليمان عبر خاصية ستوري على حسابها على انستغرام ممارسات بعض النزل بقرار منع البوركيني من السباحة وقالت سليمان:

“ثمه ممارسات في النزل التونسية مش باهية قاعدين يمنعو في المحجبات بش يهبطو في البيسين… شنوا هذا؟!!! معناها عريانة ميسالش تعوم و متحجبة لا.. هاذي فضيحة !! وحدة لابسة بيكيني ولا وحدة لابسة بوركيني هاذي حرية شخصية و ما ثماش فرق.. قال شنيه المرا المتدينة تاكل و تمسخ حوايجها و تدخل تعوم بيهم.. مش صحيح انا نراهم بعيني كيفاش يدخلو يدوشو قبل ما يهبطو للبيسين.. و زيد الكلام الي نسمع فيه في بعض الإذاعات الي ترسخ الفكرة هاذي . والله عيب والله.. بكلنا كيف كيف و اي واحد عندو الحق بش يتفرهد و اللبسة حرية شخصية و حرية الاختلاف نقبلو بعضنا لازمك كيما تقبل وحدة عريانة لابسة بيكيني كيما تقبل وحدة تحب تعوم مستورة بالبوركيني “