المنتدى التونسي موقع الأخبار التونسي 
ردت الاعلامية بية الزردي في برنامج Jdt على تصريحات فوزي بن قمرة بعد إنتقاده لها خلال استضافته في برنامج “فكرة سامي الفهري” السبت الماضي على قناة “الحوار التونسي”.
حيث هاجم بن قمرة الزردي قائلا “شنوة عندها آخر في التلفزة المرا تخلص على الشي هذاكا.. تخلص باش تعمل البوز وتتكلم في فلان وفلان بالرغم أنا وياها كنا كيما الخوات وجمعتنا علاقة طيبة وأنا وياها فرد سن.. شكون الي مازال ما عاركتوش.. تي كان يحطولها تصويرتها ويقولولها انقدها توا تقول شكون العزوزة هذي المشلفطة شنوا عندها بخلاف الكلام اذاكا مرا تخلص باش تتكلم في فلان وفلان”.
و في ردها على تصريحات زميلها السابق في برنامج “امور جدية” قالت الزردي خلال مداخلتها مساء “فوزي بن ڨمرة قال عمرو ما كان مستعار بكلمة مزاودي هاو بش نثبتلك العكس وبالصوت والصورة .. نفكرك وقت الي رفضت عمر بن رمضان يحضر في أمور جدية خاطر مزاودي و كيفاش ضربت زياد المكي بكاس خاطر قلك مزاودي قديم.. و تقول بية تخلص بش تعمل البوز هذيكا خدمة الصحافي و الإعلامي انو يتكلم و انتي كانو يخلصو فيك في أمور جدية بش تتكلم و عملت البوز و كنت ديما لابس دور الشيخ الواعظ و تقول الي الغناء حرام و الشطيح حرام و صوت المرأة حرام وتوا هاك رجعت تغني و تشطح”.
