ليلى الشابي لبيّة الزردي :”ماعندي شي نحشم بيه”

علّقت بية الزردي مقدمة برنامج وقيت بية على أسئلة الإعلامي علاء الشابي عند استضافته للممثلة ليلى الشابي في برنامجه شكونو هذا، حيث خاطبته قائلة ” إن لم تستح فافعل ما شئت، جزار يعظم على مراڨزي، مش كان تهد هو خير؟”.

وردّا على ذلك قالت ليلى الشابي على موجات إذاعة إي أف أم مساء اليوم أن أسئلة علاء الشابي لم تكن محرجة ولم تسبب لها أي قلق مضيفة :”ماعندي حتى شي نحشم بيه باش نغادر البرنامج ، هو سأل وأنا جاوبت … بالطبيعة باش يسألني أسئلة جريئة ، تحبو يسألني نعرف نطيب المدفونة ولا لا ؟ … ماقلقتنيش اسئلة علاء الشابي وعلاش تقلق فيا ، مع احتراماتي لبية ممكن كان جات هي تتقلق أما أنا مافماش علاش باش نتقلق هذي حياتي … عاد شبيه وشنوة المشكل كان حكيت على حياتي وطلاقي ماعندي شي نحشم بيه أنا إلي فما فما … أنا ممثلة اسمي ليلى الشابي صحاب مع العطار والخضار والجزار وبنت حومة ونفدلك مع الناس الكل ماعندي حتى مشكل في حياتي وواضحة وضوح الشمس”.