ماهر الهمامي: “بية الزردي ننصحها بحويجة كان تشوف طبيب نفساني وتقلو علاقتي بالموسيقيين شنية؟”

انتقد كاتب عام نقابة المهن التونسية والمهن المجاورة ماهر الهمامي الاعلامية بية الزردي على خلفية اشارتها لخلاف قديم بين الموسيقار عبد الرحمان العيادي والاعلامي الراحل نجيب الخطاب.

وقال الهمامي في برنامج لايف ستار مع يوسف بحري على راديو إف ام

“تهجم زميلتكم بية الزردي ، ماهيش زميلتنا أحنا خاطر هي تحب تتدعي الغناء وهي ماعندها حتى علاقة بالغناء ، على الفنان الكبير عبدالرحمان العيادي كي هو صار مشكل بينو وبين المرحوم نجيب الخطاب هذاكا مشكل خاص بينهم وهي ماجاتش نقدت بل وجعتو بالكلام وتقلو ولي نعمتك ، ماعندكش الصلحية على عبد باش تقول ولي نعمتو … عبدالرحمان العيادي ملحن كبير وشاف اوركستر كبير وتعداو على ايديه الفنانين الكل … مادام بية باش ننصحها بحويجة واللهي كان تشوف طبيب نفساني وتقلو علاقتي بالموسيقيين شنيا لأنو شي كبير علاقتها بالموسيقيين وعندها مشكلة كبيرة معاهم … برنامج أمين قارة العدو رقم 1 للفنانين من محسن الشريف لمحمد الجبالي والمعضلة إلي صارت لزازا ، اعتذرو للفنانة موش ليا أنا كنقابة لأنو عيب إلي صار مايجيش … الصحفيين الكل موافقيني فلي قاعد نقول فيه على البرنامج هذاكا”.