المنتدى التونسي موقع الأخبار التونسي 
قال الفنان الشعبي الهادي حبوبة في برنامج O’Star إنه قام بتوقيع عقد مع إدارة مهرجان قرطاج من السنة الفارطة للغناء في المهرجان ووقع تأجيلها بسبب كورونا وينص ذات العقد أنه إذا ما تم تأجيلها فإنه يبرمج هاته السنة وهو مالم يحدث حيث لم يطرح إسمه في برمجة الدورة 56 ولم يتصوا به كما كان يتوقع
“العام إلي فات عملت عقد مع مهرجان قرطاج إلي باش نعملو سهرة ووخرت نظرا للكورونا ومحطوط في البند إذا مانطلعش عمناول نطلع السنا
.. أنا ما اعتذرتش بالكل وموش أنا قدمت باش ناخذ حفلة في المهرجان هوما عيطولي عمناول واتفقنا
.. أنا مانيش مريض مصلي على النبي نعمل نهار بعد نهار 12 كيلومتر فوتينغ لاباس عليا وصحتي موجودة وماطلبت حتى حد باش يخدمني
.. هذا مكتوب في العقد وصححتو وزارة الثقافة
.. أنا ما اتصلتش والسنا سمعت إلي فما عروض وأنا نورمالمون نبدى من لولانين لأنو عندي عقد مصحح
.. أنا ما استفسرتش لأنو حاطط في بالي باش يعيطولي واموري واضحة أما على الاقل اعلمني إذا فما تبديل مافيها باس
.. أنا بطبيعتي نحب نكون بعيد على المشاكل وكل شي بالمكتوب..صحيح اتصل بيا عبدالحميد بوشناق باش نكون معاه في العرض وأنا الراجل هذاكا نقدرو برشا على اخلاقو العالية وخدمتو النظيفة بقى قلت أنا شاركت قبل في النوبة لولا يزي..
ممكن حبيت على عرض وحدي وأنا عندي 53 سنة صنعة نعمل في العروض وحدي..”
