المنتدى التونسي موقع الأخبار التونسي 
قال الممثل الكوميدي لطفي العبدلي أن ماوقع للمثل لمين النهدي مؤخرا موجع في حقه معتبرا أن الامين النهدي يبقى قامة فنية وأنه لو وقع معه نفس الموقف فإنه لايغادر منزله “”كان صارلي اللي صار للمين النهدي.. مانخرجش مالدار”
وأضاف العبدلي في برنامج لايف ستار مع يوسف بحري
“باش نحكي بصراحة على المستوى الإنساني غاضني لمين ماحبيتهاش فيه ومانحبها في حتى فنان ، مخيبها وكان تصيرلي نتشوى وتوجع مانعملوش فنان بالقسوة هذيكا … الجمهور حقو باش يغادر المسرحية خاصة في الضحك مانيش نلوم في الجمهور ولكن كي تولي مبعد شماتة متاع وفى وانتهى وطيحولو قدرو وماننساوش إلي لمين قامة ونلوحو كل شي في الماء … على المستوى le professionnel اليوم لعباد كي قصت تسكرة يلزمك تضحكهم ماتفلسفش عليه ، التعيلات والاعتذرات لكلهم زايدين الجمهور مايهموش فيك يعرف كان تضحكو … والجمهور قد مايحبك قد ماهو قاسي عليك في الحكم متاعك … أنا صارتلي في الجاسوس لعباد بعتلهم منتوج باش يضحكو ماقبلوهش واعتذرت وقلت عمل فاشل وجبدت روحي من التلفزة … ماهيش عيب وأنا مانقول شي ليه شكوني أنا باش ننصح لمين النهدي … اليوم ضحكت لعباد ولا ماضحكتش جاني جمهور نضحكو وكان ماضحكتوش أنا كفنان نتحمل مسؤوليتو … الضحك لازمو ديما mise à jour وموش إلي يضحك عمناول يضحك السنا ولازم ديما تجدد بالخدمة وتثني الركبة … الشهرة نجمو نوصلوها لكن لازم تحافظ عليها
