مدير التصوير محمد المغراوي “ندمت اللي خدمت مسلسل ‘أولاد الغول’..كانت تجربة متعبة لو يرجع بيا الوقت نفسخها..”

صرح مدير التصوير التونسي محمد المغراوي أنه ندم على العمل ضمن مسلسل أولاد الغول الذي بث على قناة التاسعة رمضان 2020 للمخرج مراد بالشيخ والبطولة لوحيدة الدريدي وفتحي الهداوي إلى جانب عدة وجوه أخرى.

وقال المغراوي في برنامج الدوامة على راديو إف أم :

“لو يرجع بيا الوقت ونفسخ عمل من تاريخي أولاد الغول ولكن بكل حب للمنتجين إلي نحبهم ياسر … كانت تجربة متعبة وخيبة أمل خايبة برشا ، أنا ضرني أكثر لحقيقة … المخرج ربي يعينو ويوجهو خير … أنا عملت الشي إلي حبيت نعملو ومانيش نادم على التصويرة إلي عملتها وتقنيا فما مشاكل … أنا عطيت تصويرة بالنسبة ليا وبشهادة ناس حاجة كبيرة ياسر وهي نفس التصويرة إلي نخدم بيها في الهيبة واعمالي الأخرى على شاهد ونتفليكس عندي زوز مسلسلات وزوز افلام على نتفليكس و 10 مسلسلات على مشاهد ونفس الطريقة إلي نصور بيها … أنا منحبش نبرر على خاطر وقتلي في بلاتو حد جاهل يقول في كلام موش فاهمو زايد … أنا نتحمل مسؤوليتي على خاطر عملت المشروع والمنتجين اصحابي برشا وماديا إلي طلبتو خذيتو وحتى كان المشروع مانجحش أنا خذيت فلوسي … أكيد جدا اخراجيا مشروع فاشل ونقطة ضعف العمل برشا حاجات موش كان المخرج برك والسيناريو باهي … المسلسل كانت عندو كل المعطيات باش ينجح و لكن صارو حاجات خلاتو يفشل..”