معز الڨديري :”ولينا نلوجو على تونس في المسلسلات القديمة.. باش نحسّو بالسعادة” (فيديو)

خلال استضافته في برنامج تحت السور مع فرح بن رجب على قناو التاسعة، علّق الممثل معز الڨديري على إعادة المسلسلات التونسية القديمة على القناة الوطنية وقال أن التونسيون أصبحوا يلتجئون إلى تلك المسلسلات للإحساس بالسعادة ونسيان الحاضر والأوضاع التي آلت إليها تونس وقال :

“كي ترجع تتفرج في مسلسل قديم يفكرك بيك انتي في الفترة هذيكا.. الصورة الي مربوطة بالعاطفة.. ترجع تتفرج مثلا في مسلسل عام 99 و تحس بالسعادة.. أما الخطر انو ولينا نلوجو على تونس في مسلسلاتنا خاطر توا ما عادش عندنا repère.. الخطاب عالباب ولى repère لتونس.. المسلسلات القدم الكل إلي يحكيو على تونس التونسي يلوج فيهم على الهوية متاعو.. ولاو هوما repère متاعنا.. التلفزة الوطنية اليوم ولات معبد للنسيان معبد لنسيان الحاضر..”.

وأضاف :” ثاني حاجة ما يلزمش هالحالة تستمر خاطر بش ندخلو في zone de comfort متاع واحد يتفرج في ماضيه و يقول شوفو كيفاش كنا و ننساو الحاضر متاعنا وقتها تزيد الحالة تكبر و نوليو نستناو باش مسلسل السنا بعد 20 سنة يولي محلاه و نقولو كنا هكا محلانا.. أما في الوقت الحاضر احنا وين بالضبط و وين ماشين؟..”