إبنة ‘المنصف عبلة’ تعلن أن الحالة الصحية لوالدها حرجة والعائلة تمر بظروف قاسية”بعنا الأثاث والتلفزة..وصلنا مانعملوش عشاء في الليل”

تحدثت عزة إبنة الفنان المنصف عبلة عن الوضعية الصحية الحرجة لوالدها الذي تعرض لأومة صحية منذ فترة وقالت إنه يعاني من سرطان البروستات حسب تشخيص الأطباء.

وصرحت إبنة الفنان المنصف عبلى في برنامج ديما لباس على راديو ديوان أف أم أن والدها لم يتلقى الدعم النفسي والمادي من المحيطين، كما تحدثت عن الوضعية المادية الصعبة التي تمر بها العائلة حيث قالت انهم قامو ببيع الأثاث والتلفاز وبأنهم وصلو حد المبيت دون عشاء لأنهم لايملكون المال وبأنهم اليوم يخافون من قطع الكهرباء والغاز

“بابا مريض عندو مدة من أول الصيف وتوا مازال مرة هكا ومرة هكا.. عندو حاشاك مرض خايب في البروستات.. حبيت نتكلم لأنو ماتلفتلو حد بخلاف كعبتين.. ماما باعت ذهبها وبابا موش ياخذ في شهرية من حتى بلاصة وممكن كي باش يسمع كلامي يتغشش لأنو من النوع إلي مايحبش الناس تتعاطف معاه..هو فنان عطى للفن وبلادو وكي طاحت بيه مالقينا حتى حد لقينا شويا اصدقاء منهم لطفي بوشناق وزينة القصرينية.. أحنا قلنا للوزارة والنقابة أنو مريض.. هو مشكلتو بخلاف الفلوس أما moralement تاعب برشا ومسكين تاعب.. بعنا كل شي التلفزة والأثاث وباش يبيع كرهبتو..عندي خالتي تعاون فينا لكن قداش باش يقعد الواحد يقول للعباد اعطيني ومعادش نجم نغزرلها نحشم.. هو يخاف من الطبة وهو من قبل مايحملش الطبة والسبيطارات كي يمشي يطل على عبد يروح مريض وهو حساس.. في الليل يبدى قاعد ويرميلي كل مرة كلمة يقلي باش نتوحشكم

.. نحشم باش نقولها أما وصلنا مانعملوش عشاء في الليل وخايفين يقصو علينا الغاز والضوء.. أنا امي ماتخدمش مرا مريضة شويا وعندي زوز اخوتي من مرا أخرى مايكلموش أمي الله يهديهم ومشاكل عائلية ماندخلش المرض ونقلهم راو عندكم بو ماعندو حتى حد.. اليوم الصباح هزيتو للطبيب قالي خايف عليكم كيفاش باش تعيشو بعدي وفي مخو كان الموت.. فما واحد وقف معانا من وزارة الثقافة في أول الصيف هبط من نابل بالذمة يشوف في دوسي بابا..”