الفنان هشام النقاطي يعلق على منتقدي فيديواته الراقصة “أنا من الفنانين إلي ما عندي شي نستعمل فيه وماعندي حتى سلعة “

علق الفنان التونسي هشام النقاطي على منتقدي فيديواته الراقصة، حيث يتعرض إلى حملة تنمر ومهاجمة من قبل مستخدمي شبكات التواصل الإجتماعي.

وقال النقاطي في برنامج ديما لباس على راديو ديوان أف أم

“جاني برشا كلام على الفيديو الأخير وساعات يوجعني الكلام لأنو نعمل في حاجة عفوية ونشوف في البلاد الكل stressée.. كنت نجم نحيها ونعمل رقصة أخرى خير أما أنا قلت خليها هكاكا أما خسارة فما ناس قلوبهم موش باهية وردوني متكيف ونعمل في حاجات خايبة.. الشعب التونسي الكل يعرف هشام النقاطي وعفويتو وحبو للناس وأنا من الفنانين إلي ما عندي شي نستعمل فيه وماعندي حتى سلعة وعندي ربي يشهد عليا وأمي وبابا إلي دعاولي بالخير..أنا ضحيت على الميدان هذا لأني نحب الفن وماحبيتش ندخل حتى شريك لحياتي وكل مرة نهرب من الزواج لأني خايف على الميدان.. أنا من الفنانين الشعبيين ندور في المارشيات وتلقاني في أي بلاصة والناس تبدى تبوس فيا وتعنق ولا عمرو إنسان قال فيا كلمة خايبة.. أنا نبكي مع الشعب التونسي ونعاون وعمري مانمشي ونخلي تونس ونبكي على الوضع متاع البلاد.. في دعايا وصلاتي وكل صلاة ندعي نقول ياربي فرج على الشعب التونسي.. أنا عامل 8 عمرات لا نشرب ولا نتكيف.. فما صغار مايعرفونيش فقلت نتوجهلهم وين ينجمو يعرفوني ومشيت للتيك توك .. أنا مانيش راقص محترف أنا حسيت حاجة وحبيت نعملها.