المنتدى التونسي موقع الأخبار التونسي 
اعتذر اللاعب أيمن عبد النور من الصحفية الرياضية نعيمة ساسي بعج د أن أساء لها في وقت سابق وتنمر على شكلها.
وقال عبدالنور في برنامج Café Crème مع عفاف الغربي على راديو ديوان أف أم
“كلام نعيمة ساسي مش صحيح و وجعني كي بعثوهولي جاوبت À chaud و ما كنتش نعرفها
مدام نعيمة راني ما عرفتكش و نعتذر منك كان كلامي غششك و راك اختنا الكبيرة
اتصلو بيا قريب 10 من زملائها و حكاولي عليها و انا بالحق ما كنتش نعرف الي هي صحفية كبيرة وخدمت في ميادين رياضية مهمة
و راني والله نحترم الصحافيين كان جا في بالي الي هي صحفية راني ما تصرفتش هكاكا
تحب تشكي ولا تعمل إلي تحب هي تنجم تتفضل اما والله سامحني انا لا كنت نعرفها”
وفي أول رد لها رفضت نعيمة ساسي إتذاره وطالبته بتحمل مسؤوليته كاملة في ما كتب على حسابه على الفايسبوك قائلة
أنا ما سمعتوش اش قال اما انتي قتلي اعتذر يعطيه الصحة اما الاعتذار كي يجي متأخر ما عادش يتسمى اعتذار
“كي تهبط تدوينة يا اما تتحمل مسؤولية الي كتبتو يا اما لا
تقلي تصرفت بتنرفيز و واحد يبعثلك خبر يقلك نعيمة قالت عليك هكا اول حاجة لازمك تتحرّى و تدخل تسمع اش قالت عليك بالضبط
كي تجاوبني جاوبني بالطريقة الي انا حكيت بيها مش بالطريقة المنحطة هذيكا
نعيمة الكحلة شخصية تربينا عليها و حاجة ولات في التراث متاعنا
هو يقول ما عرفنينش اما في برنامج رياضي في إذاعة معقول مستدعين واحد متعدي في الشارع يحكي في الكورة ؟
مانيش موجوعة اما كلامو ضحكني بالعكس
مانيش بش نتراجع عن القضية مش ليا انا كنعيمة ساسي اما لبرشا ناس اخرين باش تتعلم شنوا تكتب و شنوا تدوّن و تخمم و قبل ما تهبط اي حاجة
حاليا لا ما نقبلش الاعتذار.
