المنتدى التونسي موقع الأخبار التونسي 
تحدث الفنان هشام النقاطي ، خلال استضافته ، مساء أمس في برنامج تلفزي على قناة “قرطاج+” عن قصة حب عاشها منذ 30 عاما و تم رفضه بسبب أنه فنان.
و قال النقاطي “ما مرة طفلة حبتني وتموت عليا و انا حبيتها من كل قلبي . الي فرقنا الفرق متاع المادة بوها قالها تاخذلي فنان شنوة مصيرو وشنوة المستقبل ، فأنا نقلو انا هشام النقاطي توة اسم كبير في تونس وموش لازم تحقر الرجال وانا نقول لأي انسان حب اي طفلة موش لازم العايلات تتدخل وتمنعو الحب هذايا”.
و أضاف ” الطفلة هذيا حبتني بكل جوارحها وتجيني حتى بكرهبتها قدام داري وانا نخدم بالليل وتستناني … علاش مادفعتش عليا لأنهم عملوها شونتاج تبعد من هشام النقاطي والا نحيوك من القايمة متاع الورث متاع عائلتنا”.
و تابع قائلا “الله غالب كانت ضغوطات كبيرة عليها وانا قلت العائلة هذه الي ماحبونيش خلوني نعمل قلب و رديت اسم هشام النقاطي اسم كبير في تونس والناس الكل تحبني … فمة برشا عائلات مايحبوش الفنان برشا … الطفلة هذي هي اول حب في حياتي توا 30 سنة ومانسيتهاش”.
