المنتدى التونسي موقع الأخبار التونسي 
صرح الممثل فارس عبد الدايم أنه تلقى التهنئة من عدة نجوم لنجاحه في دور نوح في مسلسل فلوجة، مضيفا أنه يتعالج لدى مختص نفسي لكي يستوعب النجاح والشهرة التي يحققها في مسلسل فلوجة.
وقال عبد الدايم في برنامج O’Star مع أميمة العياري أن العمل لم يشوه المؤسسة التربوية لأانه واقع ويوجد ما أتعس في الوسط التلمذي.
“الكلام الي جاني الكل يزيد يشجعني بش نزيد نخدم أكثر مايخلينيش مغرور بالعكس و على هذاكة معايا coach لاهي بيا نفسيا، وننصح أي واحد يبدى مش مستقر نفسيا في فترة معينة يشوف coach personnel.
فرحان برشا بردود الأفعال على دوري في المسلسل من الأول دخلت بعضي شويّة، برشا ميساجات وبرشا تليفونات، مبعد بديت نستوعب بالشويّة النجاح الي عملو المسلسل والي عملو نوح.
الصغار متع فلوجة يمثلوا فئة معينة مالتلامذة التوانسة، وبرشا شافوا رواحهم في الشخصيات.
مسؤولية كبيرة وثقة كبيرة عطاتهالنا سوسن كي عطات أدوار البطولة للصغار.
الي صاير في المسلسل موجود برشا، والفلوجة يعكس الواقع أحنا ما شوهناش المؤسسة التربوية، أحنا حكينا على مشاكل موجودة في وسط المؤسسة التربوية “نور” أحسن مثال للأستاذة الي تسمع التلميذ وتخدم بضمير.”
