المنتدى التونسي موقع الأخبار التونسي 
تحدث الفنان لمين النهدي عن حقيقة الحالة الصحية للفنانة سعاد محاسن وذلك إثر تداول خبر وفاتها أمس.
وقا لمين في برنامج ديمونش حنبعل
“سعاد تعبت البارح مع ماضي ساعة متاع الليل هزيناها للurgence و مبعد للمصحة.. هي عندها شوية مشكلة متاع ضيق تنفس.. ركبولها الأكسجين حتى لليوم ماضي ساعة رجعلها التنفس متاعها عادي و تحسنت حالتها و روحنا بيها للدار.. الحمد لله ان شاء هذاكا حد الباس هاي توا بحذايا في الدار و العايلة الكل موجودة. الناس الي تخرج في الإشاعات عيب عليكم راهي الأعمار بيد الله.. و الفايسبوك حل فينا واجهة كبيرة متاع اشاعات.. بحذايا وليد و باقي العايلة.. محمد علي ما كانش في بالو خاطرو سافر للسويد عندو مشاركة في مهرجان بالفيلم الطويل متاعو… البارح اتصلو بينا برشا الأصدقاء الاحباء الزملاء التلفون ما سكتش.. الناس الكل تسأل على سعاد و تحب سعاد، سعاد راهي فنانة كبيرة مسيرة 60 سنة عطاء متواصل للفن في الغناء و التمثيل في المسرح و السينما و كانت ممثلة شاملة تمثل الكوميديا و التراجيديا”.
