المنتدى التونسي موقع الأخبار التونسي 
تحدثت الممثلة ريم الرياحي في برنامج O’Star على راديو ديوان أف أم عن نجاح مسلسل فلوجة رغم الحملة التي هاجمت العمل منذ إنطلاق بثه إلا أنها راضية عن العمل وعن دور أم رحمة الذي جعلها تقدم دور الأم بأسلوب مختلف عن شخصية ‘زهرة’ في مسلسل براءة، وأشادت ريم بأداء نضال السعدي وكذلك محمد مراد وفارس عبد الدايم.
من جانب اخر قالت ريم الرياحي إنها ضد جزء ثاني من مسلسل فلوجة رغم نجاحه:
” انا ضد جزء 2 من مسلسل فلوجة رغم انو نجح و عمل اربعة ملايين مشاهدة في الحلقة الاخرة ..
انا من الحلقة الاولى نتفرج و يدي على قلبي مانيش فاهمة كم الغش و الحقد ..اي عمل لازم يصدم باش تكون فما منو عبرة
الفجعة الاولى انو المسلسل كان ينجم ياقف و يتعدى كان على plateforme لكن نكهة التلفزة اقوى
الاهم عندي الدور فاعل و الا لا ..انا ديما موش راضية على الاداء متاعي ..اصعب مشهد كان مشهد القسم .. séquence morgue كانت نهار الي توفات فيه ريم الحمروني، ياسر صعيبة نهارتها..
ياسر عجبني نضال السعدي خرج من الادوار اللي خدمهم ..خدمتو كانت حلوة ياسر و عطات ياسر
فارس ومحمد مراد كبروا ولادي ونفرح برشا كي نلقاهم ناجحين وكل دور يبينوا الي هوما ممثلين هايلين.
يوفى رمضان ونبداو نخدموا في الأعمال على بكري، جملة نسمع فيها من عام 97، الي فيه طبّة ما تتخبّى.
نقول للأولياء ردوا بالكم على رمشة عين صغاركم، على بكية على غش، حاول أحكي مع صغيرك بش ديما يحكيلك، خوذوا وقتكم مع صغاركم.
ورينا جانب كبير ملي قاعد يصير في ليسياتنا والي هو خطير برشا.
قريت السيناريو كامل بش نعرف كيفاه نخدم.
الشباب في فلوجة: نقلهم محلاكم نورتونا.
ما كنتش نتفرّج قبل في روحي، عمناول تفرّجت في دور زهرة والسنا تفرجت في دليلة./ قبل نحب نتفرج في عينين العباد ونستنى ردود الأفعال.
أنا ما نجمش نقول لا تعبت مالخدمة.
أصعب مشهد في الأداء كان مشهد القسم.
عمناول بكيت بقوة، السنا بكيت مُضامة.
ما فماش علاه نقول لا ما نقبلش أدوار الأم.
ماريتش روحي في دور المديرة.
سوسن كسرت الصورة متع نعيمة الجاني.
أنا ديما ضد الجزء الثاني.
إن شاءالله سوسن تكتب حاجة جديدة.
نحيي في سوسن الي هي ديما تخرج الممثلين من الإطار الي يتحطوا فيه.
الكف لي عطيتو لنضال كان مكتوب وتنحّى، وغاضتني كي تنحّى..
نضال خرج من دور الباندي، دور ابراهيم ما ينجّم يكون كان لنضال.
الناس الي هاجموا: تعلموا اصبروا، تعلموا تفرجوا من غير حكم مسبق/ عجبك مرحبا، ما عجبكش بيناتنا فلسة.
السنا فضيحة، زوز مسلسلات درامية كهو.
جبل الأحمر: ما نعرش الحيثيات وعلاه ما تعداش، أما حرام في حق العباد الي تعبت وماتراش ثمرة مجهودها خرجت”.
