المنتدى التونسي موقع الأخبار التونسي 
صرحت الأنستاغراموز مريم الدباغ أنها لاقت دعم كبير بعد أزمتها الأخيرة ومساندة واسعة منهم عربية حمادي التي لها معها خلاف سابق وصل القضاء.
وقالت الدباغ في برنامج نجوم على موزاييك أف أم أنها تقدم اعتذاراتها من عربية حمادي على موقفها الرجولي لكنها لا تسامح الشامتين كسمير الوافي الذي نشر الخبر منذ واقعة إيقافها في المطار مشيرة أنها لا تشك أنه وراء ذلك قائلة
“دوبما دخلت لبوشوشة الناس الكل تصدمت… لقيت 22 طفلة في بوشوشة اول حاجة رديت .. 7 سوايع حتى حد ما ينجم يجيني خاطر الحكاية طاحت بالاحد كان دخلت نهار الجمعة راني قعدت لنهار الاثنين ملا قانون… انا ما نخدمش في تونس و ماعاد عندي حتى كونت بانكة في تونس و شيكاتي الكل خالصين.. ثما شاك عطيتو لشخص مشيت سافرت قتلو ما تصبش الشاك تو نروح نخلصك كاش روحت خلصتو كاش ياخي الشاك ما قطعوش مشى صبو.. ما تحكيليش على سمير الوافي لا نستعرف بيه لا نتشرف بيه… انا مرا بألف راجل و هو ماهوش راجل الي يتشمت في الحبس و هو متحيل و حب يركب على الحدث و هبط الخبر اول واحد زعما هو بطل و ورا الحكاية و عامل تصويرة زعما هاني حطيتك في مخي.. لازم يتحل بحث و يتحاسب و كيما تشمت فيا انا نتمناه يكون في السجن ..عمركش شفتني طلبت السماح من حد انا اليوم نطلب السماح من عربية حمادي على خاطر طلعت مرا و انا غلطت في حقها خاطر هي بربشتني و انا الي ياقف معايا نرالو بيه “
