أيوب جرمانة إبن الراحل لطفي جرمانة “مانخلي حد يغني غنايات بابا واللي ياخو غناية نشكي بيه”

صرح الفنان أيوب جرمانة إبن الفنان الشعبي الراحل لطفي جرمانة أنه لايسمح لأي فنان أن يغني أغني والده، من بينهم مريم نور الدين وكذلك نذير البواب حيث قال إن المسألة تعود لحقوق البث لأن هناك ورثة اخرون للموروث الغنائي لوالده.

من جانب اخر تحدث عن فخره كونه إبن فنان كبير مثل لطفي جرمانة وأعتبر أن والده أقوى فنان شعبي وأغانيه من أجمل الأغاني، حيث قال

“حمل ثقيل برشا أني نكون ولد لطفي جرمانة ، لطفي ماهوش أي مطرب شعبي وموش بالساهل أنو تكون ولد لطفي وتكمل فلي عملو هو … فما مثل يقلك عاش يتمنى في عنبة مات علقولو عنقود هذا يصح على لطفي جرمانة … حاجة كبيرة برشا سواء في الفن وموش بالساهل تكون قد بوك وان شاء الله ربي الواحد يوفقو حتى يعمل ربع إلي عملو هو … مافماش واحد مايحبش اسمو يتربط باسم بوه ، وقت أنا صغير نسمع وتولدت بالجو هذاكا وطبيعي باش نتغرم رغم كان هو معارض من الأول وماكنتش نجم نغني قدامو ومبعد في اخر اياماتو وصلتو فيديو وسمع بيا وقالي تنجم تمشي تشوف الحاجة إلي تحب تعملهم … ماعنديش خيار اخر أني كي نطلع نغني اغاني بابا ومانلقاش ما خير من اغاني لطفي جرمانة ، أنا ولدو وفان كبير بيه … غنايات لطفي مافماش كيفهم مع احترامي للناس الكل”.