المنتدى التونسي موقع الأخبار التونسي 
تحدث الفنان مصطفى الدلاجي عن قراره عدم تقديم طلب مشاركة في المهرجانات التونسية، لأنه لا يرغب في تقديم عروض مجانية دون أن يتحصل على مستحقاته مسبقا.
وجاء تصريح الدلاجي في راديو جوهرة
“أنا السنا قدمت عرض للمهرجانات ولكن عن مضض واحتراما في مديرة أعمالي ، أنا تربيت من عمناول وعبيت عروسات … وإلي يكلمني نقولو فلوسك حاضرة يقلي لا نقلو مانجمش نجيك والمهرجان ماعندوش فلوس مايكلمنيش وهذا قرار مدى الحياة … أنا كان نهار نلقى روحي تحت رحمة وزير الثقافة ولا تحت رحمة مصلحة الثقافة ولا حيوط الوزارة نشرب دواء الفار ومانجيش نمد يدي … عمري مانتصور روحي نمد يدي … برا قدم دوسي ؟ أنا نقدم دوسي!! ، أنت مدير مهرجان قرطاج عندكش لحن محفوظ ، الدلاجينو عندو 100 لحن محفوظ و 3700 غناية … أنت توا تجيب في رؤوف ماهر ومرتضى حقك عندك 3 سنين ملي جبتهم لكن أنت السنا جبتهم باش توري إلي أنت منفتح على الشباب وباش ترضي جماعة الجنوب … كان حبيت ترضي جماعة الجنوب بالجد راك جبت بلقاسم بوقنة إلي عندو 35 سنة يغني موش جايب رؤوف ماهر إلي حقك عندك 3 سنين ملي جبتو ويتبجحو علينا … هبطلي قداش عطيتو كاشي رؤوف ماهر إلي الراجل متغرب وعاطي من لحمو وصارف على العرض 5 مرات قد الكاشي متاعو … أنا مانيش في حاجة ليكم والله لا يخليني ليكم وأنا عندي العروسات نخلص فيهم 50 مليون… مانمشيش للمهرجانات ولكلهم يعكعكو وتبيض أموال …”
