سنية الدهماني ” باش نقوم بتتبعات قضائية ضد قناة التاسعة..كي ماعندكش فلوس أعلن إفلاسك وسكر القناة ، ماتخدمش بعرق الناس “

أعلنت الكرونيكوز سنية الدهماني أنها قررت أن تقوم بتتبع قناة التاسعة قضائيا بسبب عدم خلاصها لفترة، معتبرة أن القناة إشتهرت ب ‘القلبة’ داعية القائمين على هاته القناة بإعلان إفلاسها وغلقها لا أن تعمل بعرق الناس.

وقالت سنية الدهماني في برنامج Fun Time على راديو ديوان أف

“أنا باش نقوم بتتبعات قضائية ضد قناة التاسعة ، ونعرف إلي القضية باش تدوم برشا .. وهذا علاش سميتها عملية تحيل ممنهجة.. أنا غادرت قناة التاسعة من شهر أفريل قبل ما يوفى الموسم لأسباب مادية بحتة.. فما ناس سكتوا وهوما بلاش خلاص خاطر اختاروا الظهور الإعلامي على الفلوس باش يمكنهم من حاجات أخرى.. وناس أخرى سكتت خاطر تورطوا وماخلصوش وقعدوا يستناو ياخذوش حاجة… في التاسعة السائق موش خالص والتقني موش خالص ، الصحفيين موش خالصين ، حتى الجمهور إلي يصفق موش خالص.. التاسعة قناة الوعود “اتو اتو ومافما شي” وتشوف كان الوجوه ملخلخة تسمع كان صبوشي ، وكي ماعندكش فلوس أعلن إفلاسك وسكر القناة ، ماتخدمش بعرق الناس.. كي تشوف عاملة النظافة تبكي خاطر ولدها باش يخرجوه من الروضة ، تعرف قداش ناس ماتخافش ربي وأنا ماخلصونيش في سبعة شهور ، وكان زدت معاهم راني بقيت أكثر”.