المنتدى التونسي موقع الأخبار التونسي 
إعتبرت الفنانة المسرحية منال عبد القوي أن مايقدمه به بعض الممثلين ليس كله أعمال مسرحية رغم وجود أعمال جيدة وأعمال تجارية نظيفة لكن ليس كل مايقدم هو مسرح في نوعية الممثل الواحد أي الوان مان شو وقالت
“أنا نشوف إلي فما برشا قاعدين يعملوا في الرداءة وبرشا قاعدين يعملوا في التجاري النظيف خاصة في الأعمال ذات الممثل الواحد وان مان شو أو مونودرام الستانداب ماهوش مسرح راهو عرض من الفنون الحية بربي لا تحسبوه علينا..”
وأضافت في برنامج عوم بحرك على موزاييك أف أم
“هوما ربي يعينهم وناجحين ولكن أنا مانيش غادي حتى طرف .. راهو تنجم تدخل تتفرج في مسرحية بالعربية الفصحى بنسبة 95% وفيها تنفيسات بالدارجة ولهجات أخرى وتبكي وتضحك وتتفرهد وتستفاد وتتسائل وتعاود ترجع وأنت فرحان علخر … الناس إلي جات تفرجت في “شروق مريم” في مدينة الثقافة يجيو يسألوني وقتاش نرجعوا نتفرجوا فيها … هو اسم مركب شروق مريم والنص سعودي هوما غادي ممنوع أسماء نسائية مركبة ، هي أمها حبت تسميها شروق وبوها حب يسميها مريم وبما أنها تعيش في مجتمع ذكوري تسمات مريم ولكن امها بقات تعيطلها مريم فهي عملت اسم مركب لروحها … كي تتفرج في المسرحية توا تفهم إلي مريم أشرقت ، بقات طول عمرها مظلومة ومخفات وهي أشرقت… مسرحية مزيانة برشا وأدعو كل الناس يمشيو يقصوا وتفاهمنا أنا ومدير المهرجان نقصوا في اسعار التذاكر … العرض غدوة العشرة متاع الليل في مهرجان الكراكة”.
