المنتدى التونسي موقع الأخبار التونسي 
حادثة جديدة تمثلت في هروب عريس عن عروسه ليلة الزفاف تاركا العروس في حالة صدمة وذهول أما الحضور، حيث بقيت في قاعة الأفراح بمفردها دون عقد القران الذي كان مبرمجا منتصف السهرة.
وقد تحدثت العروس بشرى في برنامج أحلى صباح عن الحادثة وعلاقتها بخطيبها الذي تركها ليلة الزفاف الذي كان مبرمجا يوم 2 سبتمبر الجاري حيث قالت
“علاقتنا كانت عن حب و مخطوبين عندنا عام و كنا نستناو في النهار هذا بالدقيقة و الدرج.. جاني هزني مالحجامة للصالة و ظاهر فرحان و شطحنا و عملنا جو..قعدنا و جا العدل بش يكتبلنا الصداق.. قلي لحظة نبرّد وجهي بشوية ماء و نجي… استنينا درج درجين ربع ساعة نص ساعة ساعة و هو ما رجعش.. حتى كرهبة العرس خلاها قدام الصالة و هرب على ساقيه من غير ما يفيق بيه حد.. عايلتي و عايلتو و الضيفان قعدنا باهتين..وينو العريس ما ثماش ريحتو… لين بداو الناس يروحو بالواحد بالواحد… و انا نص الليل خرجت آخر وحدة من الصالة .. تلفونو مسكر و فايسبوكو مسكر.. و امي دخلت للسبيطار مالصدمة ما نجمتش تتكلم… و هو لليوم ما عندي عليه حتى خبر…سمعت مبعد الي الحكاية كانت محضرة مع امو و عايلتو من قبل..اما علاش الفضيحة ليلة فرحي علاش مش من قبل؟؟ حاسة بحرقة كبيرة و حبيت جيست نفهم علاش عمل هكا اكهو… الواحد في لخر يقول الحمد لله على كل حال و مكتوب و لعل فيها خير و دفعة بلا و بالك ربي مكتبلي ما خير “
