المنتدى التونسي موقع الأخبار التونسي 
صرحت الممثلة والكرونيكوز رانيا التومي أنها وزوجها متفاهمان وبأنها سعيدة لأن زوجها متفهم لطبيعة عملها ولا يتأثر بالإنتقادات التي تطالها عبر وسائل التواصل الإجتماعي، كما وجهت كلامها لمنتقديها ومنتقدي زميلاتها في برنامج JDT بية الزردي وحنان العش بأنهما من أحسن الوجوه في المشهد الإعلامي وأن من يريد منهما أن ينسحبا من المشهد الإعلامي لن يجد البديل.
حيث قالت في برنامج فكرة سامي الفهري:
“أول ما عرفتو كنا أصحاب وعنا شلة ديما نقعدو مع بعضنا وقعدنا يجي 7 شهور أصحاب.. كي نخزرلو نقول ياخي مازالو فما رجال هكا بالاخلاق هاذي وبالتربية هاذي .. وبعد ولينا نخرجو وحدنا معادش مع أصحابنا..أنا حسيت روحي نحبو وهو عينيه قلوب وما قلناش لبعضنا.. حتى جا يوم من الأيام قلي بتحبيني؟ ياخي أنا بديت نغني.. وبعد سألني قلي تقبل بيا كزوجك المستقبلي.. قعدت باهتة ما لقيت ما نقول.. من الاول جات صعيبة حكاية اللهجة والخدمة.. وبعد ساندني علخر في خدمتي والي نعمل فيه.. هو ماهوش زوج الست بالعكس كي يبدى معايا هو يبدى راجل الست.. فما عباد تجي تتصور معايا عادي بكل احترام وكي نحس الي هو عبد مستفز نقلو سامحني ما نجمش.. من أول ما عرسنا لتوا ما تعاركناش حتى عركة.. هو انسان متفهم برشا ويسمعني وكلامو موزون.. مثلا اللبسة بعد العرس ما يقليش ما تلبسش هاذي .. يقلي محلاها لبستك وكتير حلوة لكن حسيتها تتلبس في البيت لحالنا .. نولي نمشي نبدّل.. عندي أقوى راجل في الدنيا وربي يفضلهولي…
وأضافت بية الزردي المرا ستار في تونس من قبل ما ما يسمع بيهم حد .. بية ما كانتش تنجم تمشي على ساقيها في البلاد.. بية الزين و العين و الضخامة و الثقافة و التربية و الأخلاق… وحنان العش ما شافوهاش كيفاش مع الجمعيات الخيرية و المجتمع المدني و كيفاش تعاون في العباد.. بالنسبة ليا هاذم من اقوى جابت تونس و التلفزة.. الليّ یمس بیة ولا حنان كاینو مسني أنا.. الي ينبرو ماهم طلعو في التلافز و عملو المستحيل… وينهم توا؟؟ ماهم يحبو يخرجونا انا و بية و حنان.. تره نبعدو احنا.. باش بش يعوضونا… شكون بش يجيبو؟؟ ما ثما حد… “
