المنتدى التونسي موقع الأخبار التونسي 
صرحت مقدمة البرامج بقناة تونسنا صابرين بن معاوية أنها لم تكن تعلم أن إسمها ممنوع من الحضور في التلفزة الوطنية مستهزءة من البرامج التي تقدم في التلفزة الوطنية معتبرة أنها فاشلة وتفتقر للتجديد.
وقد قالت صابرين بن معاوية في برنامج ضيفنا على كيفنا
” الحمدلله الي إسمي ممنوع من التلفزة الوطنية و هي اش فيها أصلًا ؟!! .. انا كنت محظوظة انتي خدمت في التلفزة الوطنية عمري 21 سنة هاك المبنى الكبير الي ممنوع حتى حد يدخلو انا دخلتلو و خدمت فيه اما كي تلقى التلفزة الوطنية علاقات و لغة بنت القناة، كي تعاركت مع المعدة المديرة جات معاها خاطرها بنت القناة رغم الي هي غالطة … هوكا ظاهر عليها الفشل القناة الكل وين ترى فيهم البرامج؟؟ ما نعرفش على روحي ممنوعة من التلفزة الوطنية ولا المديرين يتبدلو و ما نعرفش حتى شكون فيها توا و ما يهمنيش .. تي انا كي دخلت نخدم غادي صححت على ورقة ممنوع اني نطالب بالترسيم هاذي اول صدمة و رغم هذا قلت ميسالش تجربة اعطيني نتعلم.. تو انتي في التلفزة الوطنية مترسمة و بشهريتك في عوض تطلعو الجيل الجديد تحطولو العصا في العجلة!!!! اعطيني اسم جديد طلع في التلفزة الوطنية… متربصين من معهد الصحافة ما ينجموش يعملو تربص في التلفزة الوطنية يتشكاو و يمشيو للتلافز الخاصة … كاينو التلفزة الوطنية حكر على هاك الألف خدام الي عندها “.
